A Xunta amplía as bonificacións en autoestradas autonómicas


O Goberno galego, na súa reunión semanal, aprobou novos descontos para as autoestradas de titularidade autonómica . A bonificación será do 100% na viaxe de volta ás familias numerosas.

O Consello de la Xunta autorizou este xoves o decreto polo que se aproba esta bonificación para a AG-55 (A Coruña-Carballo) e do Val Miñor (AG-57), que será efectiva desde mediados do próximo mes de agosto.

A Xunta tamén aprobou a extensión ás 24 horas posteriores á viaxe de ida do desconto do 25% na volta, e do 50% na segunda volta aos usuarios recorrentes, que ata o de agora se aplicaba ás viaxes realizadas no mesmo día.

En concreto, estímase que ao redor de 26.840 familias numerosas poderanse beneficiar da bonificación do 100% da peaxe da viaxe devolta nas autoestradas autonómicas todos os días, excepto os domingos e os festivos.

O mesmo vehículo deberá ser obxecto do pago do traxecto de ida e volta nun prazo máximo de 24 horas desde o abono da ida, empregando o sistema de telepeaxe. As bonificacións son acumulativas, polo que as familias numerosas poderán engadir a esta bonificación o desconto do 50% en horario nocturno que xa se aplica entre as 00,00 e as 6,00 horas. A Xunta concreta que a activación desta nova bonificación fixo necesaria a instalación de 70 cámaras e o software para a identificación de lectura da matrícula do vehículo asociado.
Sobre a AP-9, Feijóo celebrou que parte das demandas da Xunta fosen atendidas, aínda que lamentou que non fose así no caso da peaxe de Redondela e dos descontos para vehículos pesados.

O titular do Goberno galego, Alberto Núñez Feijóo, durante a rolda de prensa posterior á reunión semanal do Consello da Xunta. San Caetano, Santiago de Compostela.