A Pobra do Caramiñal constitúe o final da segunda etapa da ruta xacobea náutica e o comezo da terceira. Esta iniciativa está impulsada polos clubs Monte Real Club de Yates de Baiona e RCN Portosín.
Un total de 25 embarcacións con 124 tripulantes foron recibidas hoxe pola concelleira do Turismo, Charo Varela, quen puxo en valor os recursos turísticos cos que conta o municipio. Pola súa parte, Ignacio Sánchez e Roi Alonso, comodoro e director deportivo do MRCYB, expresaron o seu agradecemento ao Concello e a Muport pola súa disposición. O acto finalizou coa entrega dunha bolsa de agasallos -formada por material de promoción do turismo e conservas da Pobra- para cada unha das persoas asistentes.
Os veleiros xa partiron o 7 de xullo dende Baiona e desembarcarán en Portosín mañá, sábado 10. Ademais, realizarán paradas en Combarro, A Pobra do Caramiñal e Muros para, finalmente, percorrer a pé o último tramo da ruta ata chegar a Santiago de Compostela, o día 11.
