A área sanitaria Santiago- Barbanza con 30 MIR, é a que máis residentes de medicina de familia incorpora aos seus centros

En total son 30 os que se formarán a partir do 20 de xullo aos 17 centros de Saúde e aos 2 hospitais acreditados na área, o Clínico e o Barbanza, un incremento do 300% dende o 2017

A Área Sanitaria de Santiago e Barbanza convértese na que máis residentes de familia incorpora de toda Galicia. En total son 30 os MIR de Medicina Comunitaria e Familiar os que se formarán dende o 20 de xullo nos 17 centros de Saúde e 2 hospitais acreditados da área (Hospital Clínico e Barbanza).

A Unidade Docente Multiprofesional de Atención Familiar e Comunitaria, cuxos responsables son Sergio Cinza Sanjurjo e Soraya Meijome Blanco, foi quen de incrementar as prazas docentes dende o máximo de 10 prazas anuais no 2017 ás 30 actuais (un incremento do 300%).

Tamén é salientable a obtención da acreditación para a docencia de enfermería familiar e comunitaria (EIR) de 4 prazas anuais nos dous últimos anos e que prevé un incremento de 2 máis o ano que ven.

Esto conseguise grazas ao esforzo da xerencia da área, da unidade docente multiprofesional e dos docentes dos centros de Saúde e hospitais acreditados que permiten aumentar a capacidade docente mantendo a calidade da formación dos residentes.

Hoxe celebráronse os actos de acollida dos 30 MIR e 4 EIR en dous actos celebrados no hospitais Clínico e Barbanza.