Ao redor das tres e media da tarde do mércores, un particular avisaba ao 112 Galicia dunha colisión entre dous coches na saída do Polígono de Espiñeira, en Boiro. Nesa mesma chamada, a persoa indicaba que podería haber persoas feridas.
Con estes datos, desde o CIAE-112 informouse os servizos sanitarios, aos Bombeiros de Boiro, á Garda Civl de Tráfico, á Policía Local e a Protección Civil da localidade.
Xa no lugar, os servizos de emerxencia confirmaron que unha das persoas implicadas no sinistro tivo que ser trasladada polo persoal sanitario ao Hospital do Barbanza.
