Membros da Unión Intercomarcal Santiago-Barbanza de CCOO reuníronse este mediodía en Portosín co patrón maior, Isaac Gaciño, e o co armador Ángel Güeto. Na xuntanza, os representantes sindicais transmitiron as súas condolencias para as familias dos dous tripulantes falecidos, Abdelkabir Aniba e Francisco Betanzos.
Tanto o armador como o patrón maior expresaron as dificultades que está atopando a familia do primeiro, de nacionalidade marroquí, para atopar un lugar en Galicia onde lle poder dar sepultura de maneira acorde ás súas crenzas relixiosas.
O sindicato, o armador e a confraría fan un chamamento público para tentar atopar o antes posible unha solución. O patrón maior, Isaac Gaciño, transmitirá á familia as posibles solucións.
