Este domingo 6 de xuño celebrouse no concello de Porto do Son a andaina Xtosin, un percorrido por algunhas das paraxes máis destacadas (ambiental e paisaxisticamente falando) do termo municipal (dende o mar até as elevacións de Serra do Barbanza) que incluíu un trazado de 14,8 quilómetros de gran dificultade.
A actividade, impulsada polo servizo de Deportes municipal, acolleu a participación dun grupo reducido de participantes, co fin de garantir ao máximo a seguridade dos mesmos, e comezou a primeira hora do domingo na praza do Curro de Portosín.
