Os Heredeiros da Cruz volven aos escenarios coa Xira Angústica. A banda de rock da nosa comarca percorrerá Galicia durante o verán, logo dun ano de inactividade, “cun repertorio elegante e pouco habitual”, un formato acústico que lles serve para revisar o seu repertorio buscando a esencia das súas xa históricas cancións.
En concreto, o grupo actuará o 17 de xullo en Bueu e o 30 de xullo en Rodeiro, ao abeiro programa Musigal da Deputación de Pontevedra. Os concertos apostarán por melodías típicas de música galega e levaranse a cabo respectando as medidas sanitarias por mor da COVID-19.
Segundo nos contan, o concerto que dará o pistoletazo de saída será nunha vila con forte vinculación coa banda, cuxo nome desvelarase durante os vindeiros días.
