O alcalde de Boiro, José Ramón Romero, e o concelleiro de Deportes, Marcos Fajardo, visitaron este mércores 16 de xuño aos rapaces das categorías cadete e xuvenil que van participar no Campionato de España de Voleibol. O alcalde e o concelleiro estiveron con eles na tarde de onte ao rematar o adestramento.
Tanto o equipo cadete como o xuvenil foron campións galegos no Campionato Galego de Voleibol que se celebrou en Boiro, no polideportivo da Cachada. O equipo cadete viaxa esta fin de semana a Valencia para competir no Campionato de España de Voleibol e o equipo xuvenil competirá no que se vai celebrar en Boiro entre o 26 e o 30 de xuño.
