O Mercado da Serea celebrarase este sábado 26 na contorna do Pazo de Goiáns

25 Xuño 2021

Finalmente o Mercado da Serea que ía organizar o Concello de Boiro este sábado 19 de xuño na contorna do remodelado Pazo de Goiáns, terá que ser adiado até o 26 de xuño por mor da previsión climática desta fin de semana, que non se presenta como a máis axeitada para a organización de actividades ao aire libre.

A edil de Cultura María Outeiral na presentación da iniciativa

Porén, o programa de actividades e as participacións previstas mantéñense, ao igual que o obxectivo básico: “Xerar un espazo de oportunidades profesionais do mundo da artesanía, as artes e o traballo de artistas e profesionais”, en palabras do Concello, principal impulsor do evento.

Vinte postos

O Mercado da Serea vai contar con 20 postos, dos cales 5 son de Boiro, con produtos diferentes como son a ilustración, xoiaría, roupa de autora, completos, cerámica, coiro, estampa, instrumentos musicais, escritura e cervexa artesanal. O mercado vaise instalar na contorna do Pazo de Goiáns entre as 11 e as 21 horas

Milena Joyas, Deica Creacións, Arco da vella, Amorote, Jatafarta, Conloquetengo, Salsa Gaucha, Os Alegres, Alén das olas, Xurelo asmático, Redeiras Illa da Estela, Tejeluz, Imprimitresde, Da ría Luv, Carracuca, Jardinería Espiñeira, Pedras de papel, Raposiñas, Guitarras Vieites e Cervexas Meiga son os postos de artesanía que participan nesta primeira edición da actividade.

A edil de Cultura, María Outeiral, fixo saber na presentación do Mercado da Serea, que ademais deste postos, durante o día haberá obradoiros patrocinados por Artesanía de Galicia, para os que se require inscrición no propio día do mercado, concertos de Mallou ás 12.30 horas e The Cuncas 19.30 horas, para os que se require inscrición previa a través dos formularios dispoñíbel na web municipal. Segundo engadiu a concelleira, “vai ser unha xornada moi especial pola contorna na que se vai celebrar e polos artesáns que participan e agardamos que o Mercado da Serea se consolide como unha cita coa artesanía na comarca”.

Outros artigos

Publicidade

Revista en papel

Opinión

“Peridis en Redondela”. Alberto Barciela

“Peridis en Redondela”. Alberto Barciela

“Intentar definir el humorismo, es como pretender atravesar una mariposa, usando a manera de alfiler un poste telegráfico”. Así lo decía Enrique Jardiel Poncela, dramaturgo y novelista español, que a veces sabía muy bien lo que no quería saber. Es, diría yo, como...

“Bamos llendo acia- Vamos yendo hacia” – Manuel Domínguez

“Bamos llendo acia- Vamos yendo hacia” – Manuel Domínguez

Bamos llendo acia- Vamos yendo hacia. Hoy en día no hay razón ninguna, en absoluto para escribir de esta forma tan cruel, que hiere los ojos. Todos los bares tienen prensa gratuita, al momento de tomar un café, cuando se leen las noticias deportivas, prestar un poco...