O psicólogo Juan Carlos Permuy impartiu na Pobra unha charla relativa á prevención de condutas aditivas no ámbito escolar. Participaron familias de alumnas e alumnos do IES da Pobra do Caramiñal.
O obxectivo foi dar continuidade ao proxecto docente impulsado polo Concello e o dito centro educativo, iniciado no mes de abril con obradoiros específicos dirixidos ó alumnado de 4.° da ESO.
A dita iniciativa impulsouna o instituto en colaboración co Concello, a través da Concellaría dos Servizos Sociais, da cal é titular a edil Amparo Cerecedo (BNG), xurdida das xuntanzas periódicas mantidas entre ámbalas partes implicadas.
