O eclipse anular de Sol deste xoves 10 de xuño poderase ver desde España, incluído o noroeste peninsular, como parcial, segundo informa o Instituto Xeográfico Nacional ( IGN), organismo dependente do Ministerio de Transportes, Movilidad e Axenda Urbana.
En España, a eclipse verase como parcial. Terá unha magnitude (fracción do diámetro solar ocultado pola Lúa) de 0,2 na costa noroeste (A Coruña), ao redor de 0,1 no interior e nordés da península, e ao redor de 0,02 ou algo maior no sueste, nas illas Baleares e nas illas Canarias.
A eclipse parcial será visible no norte de América do Norte, Europa e Asia. Iniciarase no océano Atlántico, a unha latitude de 23º, e terminará ao sueste de Kumul, na rexión autónoma de Sinkiang (China). A duración total do fenómeno será de 299 minutos (case 5 horas).
A eclipse de Sol deste xoves 10 de xuño poderá verse en Galicia a partir das 10,49 horas. A primeira zona da xeografía galega onde o fenómero será visible é a costa da Coruña, aínda que a diferenza a outros puntos como Ourense será de apenas un minuto.
Artigo: “O día 10 eclipse parcial de sol”. José Ángel Docobo Director do Observatorio Astronómico da USC Ramón María Aller
