Na mañá do vindeiro xoves dia 10, dado que a dia de hoxe a previsión meteorolóxica non é mala para ese dia, teremos a oportunidade de contemplar unha eclipse parcial de Sol aínda que de baixa magnitude.
En realidade trátase dunha eclipse anelar xa que logo a Lúa estará próxima a súa posición mais afastada da Terra (apoxeo) e non será quen de tapar completamente ao Sol. Porén, como anelar vaise ver só nunha banda de territorio que vai dende Canadá, pasando por Groenlandia, o mar Ártico e o estremo oriental de Siberia. Fora desa zona, a eclípse será parcial e a Lúa ocultará tanto menos ao Sol canto mais nos alonxemos de dita zona. Concretamente, na Península Ibérica a magnitude da eclipse (fracción máxima do diámetro solar ocultado) terá o meirande valor en Galicia ( 0,2), disminuindo segundo se descenda cara o sur.
O fenómeno completo comezará ás 10:12 e rematará ás 15:11. En Galicia poderá seguirse dende as 10:49 e as 12:41 (horas para Santiago de Compostela).
As últimas eclipses parciais de Sol observadas en España o foron en 2015 e 2017. En 2005 puidose seguir completamente unha eclipse anelar.
Dentro de cinco anos haberá a posibilidade de ver unha eclipse total na Península e ano e medio despois, outra anelar.
Lémbrase que para o seguimento das eclipses de Sol hai que seguir rigurosas medidas de seguridade. Non se pode mirar ao Sol sen a protección adecuada e menos usando prismáticos ou telescopios. Recoméndase usar as gafas especiais para eclíses ou como moito cristais de soldadura de máxima protección, pero aínda así facelo durante
escasos segundos.
JOSÉ ÁNGEL DOCOBO DURÁNTEZ
Observatorio Astronómico Ramón María Aller USC
