O Concello de Boiro súmase á campaña Liberdade de Ser e Sentir

O Concello de Boiro súmase, un ano máis e como entidade colaboradora e co-organizadora, á campaña Liberdade de Ser e Sentir. Esta actividade estará impulsada pola área de Igualdade da Deputación da Coruña con motivo do día da diversidade sexual, que se celebra o 28 de xuño.

O programa inclúe actividades para todos os públicos que se difundirán a través das redes sociais. Isto ten como obxectivo ofrecer contidos de sensibilización sobre a importancia da tolerancia e a igualdade das persoas, con independencia da súa orientación sexual e identidade de xénero.

A iniciativa combina dous formatos: presencial e dixital. Ademais, contará con actividades como contacontos infantís, pílulas divulgativas en formato dixital, materiais didácticos, xogos interactivos e a celebración dunha palestra nas entidades de diversos colectivos, que abordará os retos de futuro da diversidade sexual.