O Concello de Boiro fai un chamamento á cidadanía para evitar contaxios en San Xoán

21 Xuño 2021

O Concello de Boiro celebrou na mañá deste 21 de xuño unha nova sesión da Comisión de Seguimento da Evolución da COVID-19. Segundo se fixo saber na xuntanza, na última semana non se detectaron novos casos positivos no municipio “polo que os positivos activos seguen en descenso e o municipio se mantén no nivel máis baixo de restricións”. Porén, os integrantes da Comisión fixeron un chamamento á cidadanía para que siga velando por todas as medidas de prevención decretadas, sobre todo durante os festexos de San Xoán, para evitar que se produzan contaxios.

Así, malia que as cacharelas en terreo público non están permitidas, a Comisión considera que a festividade en si mesma pode ser en potencia unha circunstancia de risco, polo que convida a que se manteñan as medidas de seguridade nas propiedades privadas.

Na sesión tamén se compartiu o traballo recente do departamento de Servizos Sociais, que continúa co control e seguimento dos casos positivos que poidan aparecer para detectar as posíbeis necesidades derivadas das persoas con positivo en COVID-19 como son a recollida de lixo ou entrega de alimentos e outros artigos de primeira necesidade.

Polo que respecta ao labor da Policía Local de Boiro, segue a realizar tarefas de control para vixiar que se cumpran as medidas decretadas polas autoridades sanitarias (nos últimos días realizouse unha denuncia a un local polo incumprimento do horario de peche).

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...