O alumnado da sede IV Ciclo de Ribeira realizou unha visita ao Museo do Gravado

O alumnado da sede IV Ciclo de Ribeira realizou este xoves 3 de xuño unha saída cultural para coñecer os museos de arte da parroquia, entre os que destacan o Museo do Gravado e o Etnográfico, os dous situados en Artes.

Esta actividade estivo organizada polo profesor de Historia de Galicia do IV Ciclo da USC, Anxo Rodríguez Lemos.

No Museo do Gravado en Artes o grupo foi recibido polo director da institución, Xoán Pastor Rodríguez Santamaría, co fin de visitar a exposición temporal Manuel Ayaso. Kafka e percorrer o resto de salas, con especial atención á biblioteca.