O alcalde de Boiro, José Ramón Romero, recibiu na tarde deste 25 de xuño ás nenas do Club de Patinaxe Boiro que competiron na primeira fase do torneo autonómico.
Marta Canosa, podio na categoría infantil; Vera Fernández, podio na categoría alevín; Mencía Chouza, Alba Millán, Julia tella e Xiana García estiveron acompañadas de Marga Hermo, a directora de relacións institucionais de JEALSA, de Celeste García, delegada do Club e de María Triñanes, a súa adestradora.
No salón de plenos da Casa Consistorial explicáronlles ao alcalde como é o seu día a día o esforzo que supoñen as horas de adestramento que realizan para mellorar o equilibro, a posta en escena e a coordinación e máis habilidades necesarias para a práctica deste deporte.
Aproveitaron a visita para convidar ao executivo a visitar o Polideportivo de Praia Xardín onde adestran xa que, a partir do 1 de xullo comeza o campus de patinaxe que organizan durante o verán e que tivo moi boa aceptación.
