O Concello de Porto do Son organizou esta semana, en colaboración da Escola Galega de Saúde para Cidadáns (dependente da Consellería de Sanidade), un curso de balde sobre seguridade en actividades de lecer no mar. Foi unha actividade formativa de tres horas e celebrouse na Casa da Cultura do Son, este luns 28 de xuño.
O obxectivo desta activade foi concienciar á poboación da importancia da seguridade e prevención nas actividades náuticas, así como coñecer e distinguir as medidas para previr os accidentes.
A sesión correu a cargo de Manuel Capeáns Álvarez, xefe do Centro de Control de Tráfico e Salvamento Marítimo de Fisterra.
