Do día 14 de xuño ata 15 de setembro desenvolveranse no municipio da Pobra do Caramiñal as tarefas de limpeza manual de praias e espazos naturais. A concelleira dos Servizos Municipais, Estefanía Ramos (Nós Pobra), sinala que para a realización destes traballos contratáronse oito operarias e operarios, cuxa selección efectuouse a través dunha bolsa de emprego.
Neste senso, a Administración local é beneficiaria dunha subvención por parte da Deputación da Coruña por un importe de 23 361’97 euros para axudar a sufragar os gastos.
Por outra banda, o Concello lembrou que os labores de limpeza mecánica nos areais do concello estanse a levar a cabo xa dende Semana Santa.
