JEALSA, a Cruz Vermella e a rapazada de Primaria de Boiro e A Pobra protagonizaron unha limpeza colectiva en catro praias

08 Xuño 2021

Coincidindo coa celebración do Día Mundial dos Océanos, este martes 8 de xuño o alumnado de Primaria da nosa comarca participante no programa LudiEduca, impulsado pola Asemblea da Cruz Vermella de Boiro e a conserveira JEALSA, baixou ás praias para sensibilizar á cidadanía sobre a importancia de manter os mares limpos e, tamén, para mostrar activamente as cousas que se poden facer para visualizar o problema e combatelo. A actividade, na participaron máis de 200 rapaces dos municipios de Pobra e Boiro, consistiu nunha limpeza simultánea de praias en diferentes areais dos ditos concellos.

Participaron nenas de nenos do CEIP de Escarabote, o CEP Pilar Maestú Sierra, o CEP Salustiano Rey Eiras, o CEIP Praia Xardín, o CEIP Santa Baia, o CEIP Santa María do Castro o o CEIP Cespón.

“Campañas de reforestación, limpeza de praias, obradoiros de reciclaxe e outras actividades participativas, son a mellor forma de sensibilizar aos máis pequenos e sentar as bases para, entre todos, construír a sociedade do mañá”, comentou Lorena Resúa, de Cruz Vermella.

Os estudantes de entre 8 e 9 anos, acompañados polos seus profesores e voluntarios do programa LudiEduca, percorreron durante dúas horas as praias do Areal na Pobra, e Barraña, Praia Xardín e Carragueiros en Boiro, onde procederon a apañar e separar plásticos, vidro, residuos orgánicos e cabichas, material que coa colaboración dos Concellos foi depositado para o seu tratamento e reciclaxe.

Margarita Hermo, directora de Relacións Institucionais de JEALSA, manifestou o seguinte: “Hoxe en día, máis que nunca, a sociedade debe reflexionar sobre a importancia de coidar e protexer o medio en que vivimos e especialmente os océanos, a nosa principal fonte de vida e biodiversidade”. Hermo tamén puxo o foco na importancia da educación ambiental, un dos eixos sobre os que traballa LudiEduca, “transmitindo aos máis pequenos nocións tan vitais como o papel fundamental que xogan os océanos para regular o clima e a temperatura” e facendo fincapé no relevante que resulta o medio ambiente mariño para “unha comarca coma a nosa”, onde o complexo mar-industria é un factor clave no emprego e desenvolvemento económico.

JEALSA leva anos abordando a cuestión dos residuos mariños por medio do noso programa de RSC We Sea e accións como as deste 8 de xuño, en alianza coa Asemblea Local de Cruz Vermella.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

I Concurso Infantil de Debuxo ApiBarbanza – 2024

A delegación de AGA, asociación Galega de Apicultores, no seu Delegacion do BARBANZA SALNES convoca I Concurso Infantil de Debuxo Apícola co fin de involucrar e concienciar aos nenos sobre o valor da abella como axente polinizador e na conservación do medio...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...