Un motorista resultou ferido nun accidente rexistrado cara ás tres da tarde na avenida da Constitución, no centro urbano de Boiro.
O accidente tivo lugar entre un coche e unha moto. Da colisión tivo constancia o 112, pasadas as tres e media da tarde, cando unha persoa chamou solicitando asistencia para un motorista ferido, na Avenida da Constitución, logo de sufrir un choque contra un turismo.
Para acudir ao lugar, foron avisados polos xestores do Centro Integrado de Atención ás Emerxencias de Galicia os axentes da Policía Local, os Bombeiros de Boiro, os membros do Servizo Municipal e o 061. Ao remate, o 112 Galicia foi informado de que a persoa necesitou ser trasladada en ambulancia.
