En Porto do Son destinarase boa parte do remanente a mellorar a mobilidade, os servizos e o patrimonio das parroquias

O Concello de Porto do Son vai poñer o foco en realizar importantes melloras nas parroquias do termo municipal, facendo fincapé na posta a punto de estradas, espazos naturais, servizos básicos e tesouros patrimoniais. Este paquete de melloras será abordado co remanente de tesourería de 2020, que ascende a 1,2 millóns de euros, dos cales 800.000 reservaranse para este tipo de traballos.

Avenida da Constitución en Portosín

Inclúense, entre outras cousas, o mantemento do Castro de Baroña do que falamos os días pasados dende O Barbanza (destinado a amañar os estragos producidos polos temporais, principalmente, aínda que tamén polo desgaste inevitábel do elevado número de visitantes que visita o recinto castrexo cada ano), o saneamento en San Pedro (incluíndo traballos de humanización e mellora en Basoñas e Seráns) ou o acondicionamento da avenida da Constitución en Portosín para optimizar o tránsito de vehículo e as paradas de autobús.