O Concello de Dodro vén de achegar dúas actividades educativas para este verán, dúas accións cunha dobre vertente: por unha banda seguir subministrando formación nos meses de vacacións e, pola outra, achegar alternativas de conciliación e lecer para as familias do termo municipal.
Unha destas dúas actividades é a Escola de Verán de Concilia Dodro 2021, que vai dirixida a nenas e nenos de 3 a 12 anos. As sesións desenvolveranse en catro quendas: do 1 ao 15 de xullo, do 16 ao 30 de xullo, do 2 ao 13 de agosto e do 16 ao 31 de agosto. O horario será de 9.30 a 13.30 horas. A Escola de Verán levarase a cabo no CPI Eusebio Lorenzo Baleirón. As prazas son limitadas.
A outra das actividades son as Clases de Reforzo Educativo da ESO, que xa teñen aberto o prazo de preinscrición e que se dirixen a mozas e mozos de primeiro, segundo, terceiro e cuarto da ESO.
