O Concello de Boiro colabora na organización do VIII Campus de Verán Jealsa- Obradoiro que se vai celebrar entre os días 5 e 9 de xullo de 2021 en Boiro. Na presentación, que se realizou esta mañá no Concello de Boiro, participaron o alcalde, José Ramón Romero; o concelleiro de Deportes, Marcos Fajardo; o conselleiro de Monbus Obradoiro, Óscar Rodríguez; o director de márketing de Monbus Obradoiro, Daniel Agra; e a directora de relacións institucionais de Jealsa, Margarita Hermo.
A actividade está dirixida para nenos e nenas de entre 6 e 18 anos, divididos nas categorías Babybasket, Premini, Mini, Infantil, Cadete e Junior. O Campus vaise celebrar nas instalacións deportivas do CEIP Santa Baia, e os pavillóns de A Cachada e Barraña, en horario de 9:30 a 14:15 horas do 5 ao 9 de xullo.
Toda a información sobre o Campus e as inscricións están a disposición das persoas interesadas na web www.obradoirocab.com e no teléfono de contacto 617 999 287 ou enderezo electrónico
camousboiro@obradoirocab.com
