Cabo de Cruz sae en defensa dunha familia que sufriu un ataque homófobo

Foto IG

O sábado pola mañá a vivenda de Pablo Chouza, vinculado ao mundo da fotografía amaneceu con pintadas en toda a fachada despois de que, un día antes, colgase a bandeira LGTBI nunha das súas xanelas. “Casa do maricón” “Maricón” na porta, unha bandeira de España pintada con spray e “España” en letras vermellas son o acto vandálico que sacudiu a aldea de Cabo de Cruz, en Boiro.

A bandeira colocouna o venres pola tarde e o sábado pola mañá, cando saíu a facer uns recados, atopouse coas pintadas na porta da súa casa. A súa primeira reacción foi buscar á súa familia para que visen o que ocorrera e posteriormente presentou a denuncia correspondente ante a Garda Civil.

Salientable foi a resposta de todos os veciños, amigos, coñecidos, non coñecidos, e xente chamando á porta de Pablo para darlle apoio, ofrecendo a súa axuda para limpar as pintas se fose preciso. Clubs deportivos e o propio Concello de Boiro tamén sumaron forzas neste caso e na casa do concello boirense xa se pode ver a bandeira arco da vella, que agora engalana todo Cabo de Cruz despois dunha onda de pedidos.