Cabo de Cruz acolleu o ecuador do Campionato Gallego Inclusivo Fibralar de Motonáutica

O porto deportivo de Cabo de Cruz, acolleu esta fin de semana a quinta proba do Campionato Galego Inclusivo Fibralar de Motonáutica, un ecuador na cita autonómica que promove a gran empresa de servizos da internet
galega e na que as tornas cambiaron a favor dos vigueses José Luís Álvarez e Oswaldo Davila, que por primeira vez desbancan desde o máis alto do podio e co seu permiso aos imbatibles Pepe Barrio e Pilar Sarmiento. Os noieses, membros do equipo ADECO- DEA – Agrupación Deportiva Costa Oeste / Deporte Adaptado, non tiveron o seu día e
penalizaron na proba de fondeo, relegándoos ata a terceira posición.
A posto prata adxudicábanllo os tomiñeses Marcos Casaleiro e Tania Iglesias, que rexistraron un dos mellores tempos da xornada de competición e sen penalizacións, actuación que lles valeu a segunda praza desta quinta proba disputada nas augas arousás.
O Campionato Galego Inclusivo Fibralar de Motonáutica, organizado pola Real Federación Galega de Motonáutica, baixo o patrocinio de Fibralar e Deporte Galego da Xunta de Galicia, contando coa colaboración do proxecto “Un Mar para Todos”, renovarase o próximo 3 de xullo, coa celebración da sexta proba, das 10 programadas, na localidade ourensá de Castrelo de Miño.