Boiro Novo mostra a súa solidariedade e o respecto coa familia que recibiu a agresión homófoba en Cabo de Cruz

28 Xuño 2021

Boiro Novo emitiu un comunicado de repulsa contra os ataques homófobos acontecidos recemente no Concello, e súmase deste xeito, reivindicando a tolerancia pola diversidade e condenando as agresións, ás conmemoracións deste 28 de xuño, Día do Orgullo LGTBIQ+. A agrupación mostrou a súa solidariedade coa familia que colocou unha bandeira LGTBIQ+ na fachada da súa casa, en Cabo de Cruz, “un acto exemplar que merece todo o noso apoio e recoñecemento”, e máis aínda tendo en conta o ataque recibiron despois de posicionarse a prol do respecto pola liberdade sexual e de afectos.

E explican: “Feitos tan graves coma o destas pintadas homófobas non poden quedar impunes, e deben atopar en fronte a todas as persoas, autoridades e institucións que traballamos día a día por construír un mundo máis xusto, máis solidario e máis inclusivo na diversidade. Diante dun ataque homófobo destas características, o Concello, como institución máis próxima, e a Corporación municipal, como órgano que representa a vontade de todas e todos os boirenses, non poden poñerse de perfil e deben ser os primeiros en rexeitar estas actuacións impropias dun estado democrático no século XXI, poñendo todos os medios dos que dispón para apoiar tanto á familia afectada, así como a todas as persoas que forman parte do colectivo LGTBIQ+ no noso concello”.

A agrupación sauda e felicita accións como o pendurado de bandeiras ou pintado de mobiliario coas cores LGTBIQ+ pero tamen endente “que este apoio non debe restrinxirse unicamente a accións puntuais nas datas próximas ao Día do Orgullo, senón que debe implicar un compromiso constante no que se teña sempre presente a inclusión e o respecto pola diversidade de todas as persoas nas iniciativas sociais, culturais, deportivas, educativas, etc que se leven acabo todos os días do ano”.

Porto isto, Boiro Novo solicita o seguinte:

-Que a Policía Local, en coordinación co resto de autoridades implicadas, colabore na investigación destes feitos homófobos e se adopten as accións correspondentes.

-Que o conxunto da Corporación municipal do Concello de Boiro manifeste institucionalmente a súa condena ós actos homófobos acontecidos, e se sume á veciñazanza de Cabo de Cruz amosando o seu apoio ós dereitos do colectivo LGTBIQ+ coa colocación de bandeiras e/ou outra simboloxía LGTBIQ+ nos edificios e outros lugares públicos do concello, especialmente nos situados no propio lugar de Cabo de Cruz.

-Que dende o Concello se impulsen actividades de concienciación e divulgación no respecto a diversidade e ás persoas do colectivo LGTBIQ+. Que estas actividades non sexan unicamente no día 28 de xuño, senón que se teñan en conta á hora de planificar outros eventos culturais, deportivos, festas, etc.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...