A Xunta de Galicia felicitou aos equipos das películas Ons e A illa das mentiras polos nove e cinco galardóns recibidos na última edición dos Premios Mestre Mateo. Estes premios servirán para poñer ao Parque Nacional das Illas Atlánticas no mapa internacional e contribuír á difusión turística.
A conselleira de Medio Ambiente, Territorio e Vivenda, Ángeles Vázquez, quen se desprazou ata Ons en barco xunto ao director e guionista de Ons, Alfonso Zarauza, e á realizadora de A illa das mentiras, Paula Cons, para transmitirlles o seu dobre agradecemento por contribuír á dinamización do audiovisual galego e escoller o Parque Nacional para ambientar ambas largometraxes. Isto permitirán contribuír a dar a coñecer as Illas Atlánticas e a súa beleza natural e paisaxística, o que suporá un novo pulo desde o punto de vista turístico, logo dun ano marcado pola COVID-19.
Doutra banda, o director de Agadic, Jacobo Sutil, resaltou “ a visibilidade de Galicia que se pode conseguir a través do cine. Esperemos que a través da colaboración coa Xunta outras partes de Galicia sexan o lugar escollido para facer novos proxectos audiovisuais con tanto talento, calidade e recoñecemento do público en xeral, da crítica e do sector
como estas dúas películas”.
Ademais, para cerrar, os directores das películas coincidiron en subliñar o apoio recibido en todo momento pola Xunta para poder facer realidade as súas películas e rodar en dous escenarios naturais “privilexiados”.
