A veciñanza da Pobra xa pode solicitar información sobre o servizo de comedor sobre rodas

01 Xuño 2021

A concelleira dos Servizos Sociais, Amparo Cerecedo (BNG), e a educadora familiar do Concello, Lidia Martínez, indicaron hoxe que a veciñanza da Pobra xa pode solicitar información sobre o servizo de comedor sobre rodas. Segundo fixeron saber, as persoas interesadas nesta prestación -que contará con financiamento do Plan+Adicional 2021 para gastos sociais, da Deputación da Coruña-, poden contactar xa co Departamento dos Servizos Sociais, a través do teléfono 981 832 764.

Tamén engadiron que “o comedor sobre rodas é un servizo de comida a domicilio que pretende facilitar e garantir unha alimentación equilibrada e de calidade, adaptada ás necesidades das persoas maiores e/ou dependentes que non poden valerse por si mesmas para cubrir as súas necesidades básicas relacionadas coa compra ou elaboración do cathering”.

Os menús entregaranse de luns a venres, agás nos festivos, en horario de 12.00 a 14.30 horas no propio domicilio.

Serán elaborados segundo as necesidades das persoas usuarias, baixo unha prescrición médica, de ser o caso, e constarán dun primeiro prato, dun segundo e mais sobremesa.

A finalidade desta prestación, explicaron, “radica en que as persoas maiores e/ou dependentes poidan seguir vivindo nos seus fogares o maior tempo posíbel e cun nivel de independencia e autonomía aceptábel”.

Máis polo miúdo, os obxectivos específicos son proporcionar “unha dieta equilibrada e nutritiva que favoreza unha alimentación sa e axeitada, individualizada para cada beneficiario/a; prestar un servizo complementario doutros con carácter asistencial que existen para cubrir as necesidades básicas e ter apoio ante unha situación de emerxencia; atrasar a institucionalización das persoas usuarias; e impulsar medidas de apoio á conciliación familiar e laboral”.

Poderán ser beneficiarias do comedor sobre rodas aquelas persoas ou unidades familiares de convivencia empadroadas e residentes no concello da Pobra, cun estado de necesidade recoñecido polos Servizos Sociais Comunitarios Básicos e sempre que cumpran uns requisitos recoñecidos para a súa concesión. Entre os requisitos xerais das persoas beneficiarias figuran o de seren maiores de 60 anos con limitacións de autonomía persoal e que non conten con apoio para desenvolverse por si mesmas; seren menores de 60 anos que por circunstancias persoais e/ou sociais precisen o servizo; ou seren dependentes que carezan de axuda para se desenvolveren na elaboración das comidas.

O órgano instrutor será o propio persoal dos Servizos Sociais. Seguirase un baremo de cualificación, no cal o máximo será de 50 puntos, mediante a aplicación dunha serie de criterios de valoración: a situación sociofamiliar e o apoio social (unha persoa que vive soa ou unha persoa que convive con familiares ou outras persoas) e a situación socioeconómica.

Outros artigos

A Pobra dá continuidade aos obradoiros de arte floral nar parroquias

A veciñanza da Pobra do Caramiñal potencia nas últimas semanas a súa creatividade a través dos cursos de arte floral organizados pola Concellaría da Participación Veciñal no afán de dinamizar o rural con actividades. Estes obradoiros impártense neste mes de xuño no...

+

Publicidade

Revista en papel

Opinión

“Peridis en Redondela”. Alberto Barciela

“Peridis en Redondela”. Alberto Barciela

“Intentar definir el humorismo, es como pretender atravesar una mariposa, usando a manera de alfiler un poste telegráfico”. Así lo decía Enrique Jardiel Poncela, dramaturgo y novelista español, que a veces sabía muy bien lo que no quería saber. Es, diría yo, como...

“Bamos llendo acia- Vamos yendo hacia” – Manuel Domínguez

“Bamos llendo acia- Vamos yendo hacia” – Manuel Domínguez

Bamos llendo acia- Vamos yendo hacia. Hoy en día no hay razón ninguna, en absoluto para escribir de esta forma tan cruel, que hiere los ojos. Todos los bares tienen prensa gratuita, al momento de tomar un café, cuando se leen las noticias deportivas, prestar un poco...