Axentes da Policía Nacional adscritos á comisaría de Ribeira, procederon á detención dun home de 34 anos de idade, como presunto autor dun delito contra a saúde pública, na súa modalidade de tráfico de drogas.
No marco dun dispositivo establecido para a prevención do tráfico de drogas na localidade, os axentes participantes no mesmo interceptaron e identificaron un home, localizándolle entre as súas pertenzas, un total de 19,6 gramos de sustancia estupefaciente, cocaína.
Intervéuselle ademais ao detido a cantidade de 684,75 euros en efectivo, en billetes e moedas de diverso valor, así como un terminal telefónico.
Tras tramitarse as correspondentes dilixencias policiais, o detido é posto a disposición do Xulgado de Instrución número Uno de Ribeira, en funcións de garda.
