A Oficina de Turismo do Concello de Boiro retoma o horario de verán, dende este xoves ata o 15 de setembro, abrindo así ao público en horarios de mañá e tarde, así como durante a fin de semana.
Así, este xoves 1 de xullo a oficina de turismo vai prestar servicio de atención ao público de luns a venres en horario de 9:00 a 14:00 horas e pola tarde de 17:00 a 20:30 horas. As fins de semana estará aberta de 10:30 a 14:00 horas e de 17:00 a 20:00 horas.
A Oficina de Turismo está equipada e adaptada de acordo ás novas medidas de seguridade e protección fronte á COVId-19. Así, as zonas de entrada e saída están delimitadas, as zonas de agarda con distancia de seguridade e dispensadores de xel e mamparas de protección. Ademais, elimínanse os folletos e guías de información
físicas para evitar que sexan manipulados e, no seu lugar, habilitáronse códigos QR para que os usuarios poidan escanear e ver a información dispoñíbel.
Incendio debido a unha queima en Deán en Ribeira calcina uns 300 metros cadradados
Unha queima non autorizada en Ribeira xerou a alerta a tarde deste mércores . Un particular informou ao 112 sobre un incendio nunha leira en Deán Pequeno. A pesar do despregamento de recursos,policias local e nacional, un helicóptero, dúas brigadas de medio ambiente,...