Patrimonio denega a autorización para as obras de pavimentado nas rúas Porto Fenicio e Punta da Barca, en Aguiño

O Concello de Ribeira informou da denegación da autorización, por parte de Patrimonio da Xunta, das obras para o pavimentado das rúas Punta da Barca e Porto Fenicio, ambas situadas na localidade de Aguiño, na contorna do Peirao Fenicio da Covasa.

A resolución do citado departamento autonómico (Servizo de Patrimonio Cultural) considera “inasumíbel” a proposta municipal de aplicación de aglomerado asfáltica e pintado de vía nestas rúas e indica que”dita actuación podería alterar e facer desaparecer os restos da explotación industrial de salgadura situados nas parcelas a pé de praia”.

Cambio de material

O Concello xa está traballando na modificación do proxecto substituíndo o aglomerado asfáltico por algún outro material inocuo que se integre no entorno coa fin de volver a solicitar a pertinente autorización.