Outes acolleu a presentación da súa “Guía turístico-cultural”

22 Maio 2021

A Casa da Cultura de Outes acolleu este sábado 22 de maio a presentación da reedición da Guía turística de Outes-. Durante o acto interviu o autor da obra e presidente da ACC Terra de Outes, o historiador Xoán Mariño, o escritor Xan García e o alcalde da localidade Manuel González.

A obra é a reedición corrixida e ampliada doutra “Guía turística de Outes” que o propio autor elaborara por encargo do entón concelleiro de cultura, Manuel Castro, en 1991 e que tivera unha notable acollida entre o público ata o punto de se esgotaren en pouco tempo a totalidade dos exemplares publicados; uns anos despois foi reeditada con algunhas ampliacións pola Asociación de Empresarios de Outes, co mesmo éxito.

Nesta ocasión a revisión consistiu en eliminar presentación, datos de situación, clima, poboación e o apartado enteiro de economía, para deixar espazo a maiores textos de historia, sobre todo contemporánea, arte, co engadido de hórreos e muíños, que non estaban presentes antes, e literatura, coa colaboración de Ramón Blanco, para actualizar datos sobre Añón e engadir referencias aos restantes poetas de Outes. Tamén se modificaron os apartados de hospedaxe e gastronomía para incluír neles todos os establecementos hostaleiros nos cales é posible desfrutar da estancia, os produtos e os servizos máis esixentes.

Xoán Mariño, o autor, o alcalde Manuel González e o escritor Xan García, durante o acto. Joferpa

24 páxinas de información turística (praias, rutas, restaurantes…), pero tamén un repaso ao máis destacado do patrimonio cultural (igrexas,retablos, pontes, escritores…) para ofrecer un motivo de orgullo aos propios habitantes de Outes, que a miúdo descoñecen o importante legado histórico e artístico dos devanceiros. Complétase a guía con gardas en que, ademais dalgúns deseños do pintor Alfonso Costa e un mapa, na contraportada interior, se incorporan uns códigos QR que permiten acceder a senllas versións en castelán e inglés do texto impreso, integradas na web www.terradeoutes.com.

Grupo local que actuou durante a presentación da guía

Outros artigos

Publicidade

Revista en papel

Opinión

“Paz profesional”. Alberto Barciela

“Paz profesional”. Alberto Barciela

En los primeros días de la Guerra Civil española, contemplando una parada militar en la rúa del Villar de Santiago, preguntaba un paisano a otro: “a ti que che parece todo isto?” El otro le contestó, “por un lado ti xa ves e polo outro, que queres que che diga?” A lo...

“10 años del reinado de Felipe VI” – Manuel Domínguez

“10 años del reinado de Felipe VI” – Manuel Domínguez

Se cumplen diez años del reinado de Felipe VI, el paso de los diez años se nota en su rostro, se nota en que las niñas crecieron, la heredera al tono, ya esta pasando por las fuerzas armadas, mas tarde complementara con otros estudios. La cosa, es la pregunta obvia,...