O Concello de Boiro anunciou este 10 de maio que vai ampliar o horario de apertura dos estacionamentos públicos para fomentar o consumo na hostalaría tralo remate do estado de alarma e a relativa volta á normalidade do sector (tamén en cuestión de horarios).
Deste xeito, o aparcamento municipal da Praza de Galicia estará aberto dende as 7:00 horas ata as 23:00 horas de xeito ininterrompido pero, a partir das 15:00 horas será gratuíto. O aparcamento de A Boqueira de A Negral vai ampliar o seu horario e estará aberto de forma ininterrompida entre as 10:00 e as 22:00 horas, de xeito totalmente gratuíto.
Con esta medida o Concello de Boiro pretende “ampliar o servizo que prestan os aparcamentos municipais para o comercio e a hostalaría, adaptando os horarios de apertura ao horario de verán dos comercios e tamén ao novo horario de peche dos bares unha vez finalizado o estado de alarma”.