O Concello de Boiro comeza a colaborar coa Asociación de Nenas, Nenos e Xente Nova con Diabetes en Galicia (Anedia), co fin de traballar en conxunto á hora de realizar actividades que dean visibilidade á doenza da diabetes.
Así, as directivas de Anedia entregaron ao Concello exemplares das publicacións protagonizadas por Os Bolechas, Saben o que é a diabetes e Manuela é nova na escola. Medrando en Diabetes para dispoñer nas bibliotecas municipais.
O obxectivo principal das publicacións é concienciar e dar visibilidade ás principais barreiras coas que se atopan os nenos e nenas diagnosticados coa enfermidade. Por iso, o Concello e Anedia acordaron traballar en conxunto na programación e realización de actividades.
