O Campo de Voluntariado Dunas de Corrubedo fará mantemento e vixilancia de espazos naturais

24 Maio 2021

A Dirección Xeral de Xuventude e a Concellería de Xuventude do Concello de Ribeira, organizan entre o 12 e o 23 de agosto o Campo de Voluntariado Ambiental Dunas de Corrubedo. Trátase dunha actividade dirixida a xente nova de idades comprendidas entre os 18 e os 30 anos. Hai 12 prazas convocadas.

O campo de voluntariado está situado no Parque Natural de Corrubedo e Lagoas de Carregal e Vixán. O Concello explica que o LIC (Lugar de Interese Comunitario) abrangue tamén a Illa de Sálvora, que pertence ao Parque Nacional Marítimo Terrestre das Illas Atlánticas de Galicia.

Como actividades do campo de traballo figuran as seguintes:

• Labores de mantemento dos espazos naturais.

• Reconstrución e consolidación de sendeiros.

• Eliminación de especies alóctonas.

• Vixilancia de incendios.

• Labores de información e sensibilización do visitante.

• Intervencións puntuais de mellora do parque en colaboración cos traballadores do servizo de medio ambiente.

A modo de actividades complementarias, se ben están suxeitas a modificacións derivadas do desenvolvemento do campo de traballo, figuran as que citamos deseguido:

• Observación estelar: tendo o parque nacional o certificado Starlight auspiciado pola UNESCO, parte das coñecidas veladas irán referidas á observación de estrelas e ao coñecemento desta práctica.

Outdoor Training.

• Actividades de educación ambiental: xogos na natureza, orientación, obradoiros, interpretación, xincanas…

• Actividades de animación e convivencia: veladas temáticas, obradoiros, xogos cooperativos, elaboración de vídeos.

• Actividades culturais: rutas culturais e históricas, visita ao centro de interpretación do ecosistema litoral de Galicia, visita á lonxa de Ribeira e á súa poxa.

• Navegación pola Ría de Arousa e visita a Sálvora. Singraduras en lancha rápida pola ría, avistando cetáceos e aves mariñas. Inclúense paradas nas bateas (onde se cultiva o mexillón) para explicar aos participantes o seu funcionamento.

• Actividades deportivas: paddle surf e kayak de mar.

A cota para participar é de 110 euros. Para as persoas posuidoras do carné xove, do título de familia numerosa ou de familia monoparental, o prezo será de 82,50 euros.

Máis información: Dirección Xeral de Xuventude, Participación e Voluntariado (981 957 115 / camposdetraballo.xuventude@xunta.gal) e Servizo de Xuventude na Coruña (881 881 238).

Outros artigos

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Ribeira homenaxea este martes á actriz Susana Sampedro

Este martes 25 de xuño o Concello, a Corporación e a cidadanía de Ribeira van render homenaxe á actriz local Susana Sampedro (Ribeira, 1978), recentemente distinguida co Premio Mestre Mateo 2024 á mellor actriz de reparto na longametraxe Matria, de Álvaro Gago,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....