O alcalde de Boiro, José Ramón Romero, recibiu esta mañá na Casa Consistorial ao novo tenente da Garda Civil de Boiro, José Manuel Noal. O alcalde encargouse de darlle a benvida ao cargo e trazar as liñas de traballo conxunto en materia de seguridade no municipio.
O encontro, ao que tamén acudiu o oficial-xefe da Policía Local de Boiro, serviu para analizar a situación de Boiro e expoñerlle cales son as maiores preocupacións e cuestión a atallar en materia de seguridade que existen a día de hoxe.
José Ramón Romero aproveitou para desexarlle moita sorte no desenvolvemento do seu traballo e ofreceu a colaboración do Concello para manter a sintonía entre ambas institucións co fin de favorecer a seguridade da veciñanza. “É fundamental a colaboración entre as distintas forzas para mellorar a calidade dos servizos e garantir a
seguridade da veciñanza”, afirmou o alcalde.
