Como todos os meses, chega outro número da Revista de Ciencia e Tecnoloxía de Galicia Código Cero, o 213, na súa edición impresa, que se pode achegar de balde nunha completa rede de puntos de distribución, podéndose descargar tamén en formato PDF ou ler en dispositivos móbiles a través da aplicación de quiosco dixital Magzter.
Nesta nova entrega dedicamos unha especial atención á celebración do Día das Letras Galegas a través da Rede e ao Día das Rapazas nas TIC. Tamén abordamos os seguintes temas:
– O presidente do CPEIG móstranos os detalles da nova ciberseguridade europea
– O CiTIUS segue a revolucionar o mundo como o coñecemos con Intelixencia Artificial
– O observatorio OSIMGA confirmou o bo estado de saúde do noso Hipersector TIC
– Increméntanse na nosa terra os servizos autonómicos da Administración Electrónica
– O CITIC e a UDC impulsan un programa para impulsar novas vocacións tecnolóxicas
– As operadoras seguen a encher as nosas comarcas de cobertura de banda larga
– Política Lingüística porá o foco nas redes sociais e en Internet nas súas vindeiras actividades
– GAIN aposta forte por xerar e reter talento investigador galego
– As empresas e institucións achegan en plena primavera un novo menú de innovación
– Os concellos galegos revolucionan o ámbito das aplicacións cidadás
– A Cidade da Cultura acolle en maio a quinta edición do Hackathon Big Data & Analytics
