Actualizamos a nosa web cun novo deseño e maís apartados e seccións
Estimados usuarios de “obarbanza.gal”, cumprimos catro anos e medio desde que o 17 de maio de 2019 iniciamos esta aventura de crear un xornal dixital que acercase ós lectores as novas da comarca.
Desde aqueles primeiros meses aumentamos a zona de cobertura informativa dos nosos contidos e pouco a pouco tamén aumentaron os nosos usuarios que o pasado mes acadaron as 101.606, o que supón a diario 3.277 usuarios/ únicos. O éxito desta pequena iniciativa apoiase nas máis de 23.808 novas que levamos publicadas e nos centos de artigos de opinión dos nosos colaboradores, sen esquecer a nosa edición impresa mensual que reparte de balde 7.000 exemplares na comarca.
Queremos dar un paso mais e renovamos a nosa web cun novo deseño que esperamos sexa do agrado dos nosos seguidores. Teremos novas seccións e pouco a pouco incorporaremos tamén outros contidos que esperamos sexan do agrado dos usuarios. Como consecuencia da migración da elevada cantidade de datos acumulados e a actualización á nova web, estaremos en mantemento desde este venres ás 8 da mañá ata primeira hora da tarde.
Agradecemos sinceramente a vosa comprensión e esperamos que nos comentedes que vos parece este novo deseño e esperamos contar co voso apoio e colaboración. Invitarvos pois a que nos mandedes novas, convocatorias, informacións, artigos, críticas e denuncias ó noso email redaccion@obarbanza.gal ou redaccionbarbanza@gmail.com ou o no whatsapp 608 240 160.
Vémonos nunhas horas e moitas grazas.
