A asociación empresarial Noia Histórica celebrou o Día da Nai cunha orixinal proposta de portas abertas destinada a incentivar as compras ao tempo que se reivindicou a fidelidade da cidadanía cos establecementos de proximidade (tan necesaria nestes tempos de crise sanitaria e económica). A través desta nova campaña polo Día da Nai, Noia Histórica sorteou 20 almorzos entre as persoas participantes. As gañadoras e gañadores foron dados a coñecer o pasado 5 de maio a través do Facebook da patronal histórica de Noia.
A iniciativa acompañouse dun rechamante e singular cartel que foi unha homenaxe cinematográfica a Breakfast at Tiffany’s, a histórica película protagonizada por Audrey Hepburn.
A previsión é entregar os almorzos (valorados en 30 euros) nos domicilios das veciñas e veciños gañadores. Na iniciativa participaron 80 establecementos locais.
