Nesta recta final de maio continúa en Porto do Son o proceso de mellora dos accesos e camiños e, tamén, os traballos para devolver o esplendor ás moitas e variadas fontes do termo municipal.
Entre as obras que se levaron a cabo compre salientar o acondicionamento dos accesos e os camiños de Laranga.
E na liña de rehabilitación e posta en valor das fontes das parroquias, o Concello vén de pór o foco no acceso e na contorna da Fonte de Punta Cabalo, emprazada na praia do mesmo nome, na parroquia de Miñortos.
Nesta fonte leváronse a cabo obras de mellora que se unen ás realizadas estas semanas noutros abastecementos de auga históricos do termo municipal.
A maiores, púxose a punto o acceso e a contorna da Fonte de Coira, en Portosín.
