No Son, a festa das Letras contará coa presenza de Malasombra e o seu espectáculo Go On!

Logo do espectáculo de Marita Martínez, este 15 de maio, a festa das Letras Galegas continúa en Porto do Son uns días máis tarde, coa compañía Malasombra Producións, que representará a súa odisea cómica no espazo galego: Go On!.

Co patrocinio de Cultura da Deputación da Coruña, trátase dunha comedia escrita por José Luís Prieto, dirixida por Marcos Orsi e interpretada por Xoque Carbajal e Jouse García.

Este espectáculo representarase na mesma xornada do 17 de maio, Día das Letras Galegas. As entradas xa están a venda na Casa da Cultura, entre as 12.00 e as 14.00 horas. Go On! é unha obra na que Carbajal e García preséntanse como exploradores espaciais cunha misión: descubrir Galicia, polo que inician un percorrido humorístico polas distintas tradicións da nosa terra.