O que en principio parecía un día no que a previsión meteorolóxica na Ría de Muros e Noia era de ventolinas
frouxas en intensidade e rolonas na súa dirección, converteuse nunha xornada extraordinaria para a navegación, cunha compoñente do suroeste que inxectou un vento estable en nós entre os 10 e os 12.
Con estas condicións puidéronse completar tres mangas, que sumadas ás catro da segunda xornada rexistraron 7 das que unha era o descarte ao peor resultado, un bo peche para esta cita náutica na que tomaron parte 80 regatistas dunha vintena de clubs galegos e portugueses, sendo campionato galego da clase ILCA para as categorías 4, 6 e 7.
O vigués Mario Soares, do Club Marítimo Canido, levaba o Trofeo do Memorial e o Campionato Galego Absoluto en ILCA 4, sendo Alejandra Peleteiro bronce no podio da xeral e campioa galega de 2021. A posto prata llo adxudicada o olívico Pablo Astiazarán, do Real Club Náutico de Vigo.
En ILCA 6 triunfaba o Real Club de Mar de Aguete, con Claudia Sobral de embaixadora, que fixo un gran campionato, adxudicándose o título absoluto no galego e o Memorial. Segunda foi a letona Elza Cibule, do Riga Yacht Club, sendo terceiro Diego Peleteiro, do Real Club Náutico de Sanxenxo, a quen lle outorgaba a placa de campión galego.
En ILCA 7, que pronto volverá á Ría de Muros e Noia para participar no Campionato de España ILCA Máster, do 3 ao 6 de xuño, distinguiuse ao vencedor do Memorial Alejandra Fernández que foi o Seycheliano Rodney Govinden, da Seychelles Yacht Association, que gañou practicamente en todas as mangas. Seguiulle no caixón do podio o
local Javier Isidro, do Real Club Náutico Portosín, campión galego na modalidade, pechando o caixón o tamén portosinense, Miguel Reboreda.
A entrega de premios celebrouse ás cinco e media da tarde, un acto que contou coa presenza do presidente do Real Club Náutico Portosín, Jorge Arán; o Comodoro, Fernando González; os directivos José García e José Antonio García; o concelleiro de turismo de Porto do Son, Manuel Dean; o presidente da Real Federación Galega de Vela, Manuel
Villaverde; o xerente de Bonilla, César Bonilla; o pai de Alejandra Fernández, Jorge Fernández; o presidente da Confraría de Pescadores San Andrés de Portosín, Isaac Gaciño; e o Secretario da Clase ILCA, Miguel Reboreda.
