O Programa Integrado de Emprego do Concello de Boiro 2020-2021 comezou cos cursos de Envasado en cadea e Seguridade alimentaria, lexislación e calidade. A formación, axeitada para impulsar a empregabilidade das participantes no ámbito alimentario, estase a realizar de forma online.
Nestas actividades concorren 33 mulleres do Programa Integrado de Emprego do Concello de Boiro. As persoas participantes van recibir formación en técnicas e procesado (termoselado, termoconformado, tratamento térmico, operacións de enlatado e cartonaxe), envasado por liñas de produción e en cadea, así como en rastrexabilidade (trazabilidade), seguridade alimentaria e análise de puntos críticos de control.
Estes cursos forman parte da formación ofertada no sector da alimentación, dos que xa se impartiron outras modalidades formativas como son Etiquetaxe de alimentos e Manipulador de alimentos.
Estas actividades de formación están a realizarse de xeito online, xa que o PIE combina as modalidades en liña e presencial, fomentando a conciliación familiar e laboral das participantes.
O Programa Integrado de Emprego 2021-2021 do Concello de Boiro está subvencionado pola Consellería de Emprego e Igualdade da Xunta de Galicia e o Servizo Público de Emprego Estatal, nel participan 100 mulleres inscritas como demandantes de emprego e ten como obxectivo a mellora de capacidades e formación para a inserción laboral.
