Desde a dirección de Jealsa queremos facer chegar o noso agradecemento a todas as autoridades que nos brindaron o seu apoio poñendo a disposición os efectivos necesarios para que o incendio producido onte nunha parte das nosas instalacións de Bodión fose sufocado de forma áxil e eficaz, sendo a seguridade das persoas a nosa prioridade en todo momento.
Queremos facer un agradecemento especial aos efectivos dos servizos do 112 da Xunta de Galicia, Consorcio Provincial de Bombeiros, Bombeiros de Boiro, Ribeira, Cambados, Ribadumia, GES de Noia, Padrón, Sanxenxo, Servizo de Garda Costas e Salvamento Marítimo entre outros E por suposto, o noso máis profundo recoñecemento e agradecemento ás empresas provedoras que xunto á excepcional actuación dos nosos traballadores colaboraron desde o primeiro instante para controlar a situación xunto aos equipos de emerxencias.
Mención especial tamén aos representantes dos traballadores, que estiveron en todo momento desempeñando un gran labor de coordinación e comunicación.
Jealsa é unha empresa formada por magníficos profesionais, e coa axuda de todos, continuaremos cumprindo os nosos compromisos con clientes e consumidores. Todos os nosos centros de produción no mundo permanecen a pleno rendemento, poñendo en marcha as accións necesarias para superar esta situación, que estamos seguros uniranos aínda máis como empresa e equipo humano.
A gran familia de Jealsa no seu conxunto, agradece a Institucións, clientes, provedores, colaboradores, veciños e a todas as persoas que nos están facendo chegar, a través de múltiples medios, e desde tantos puntos da xeografía nacional e internacional, as súas mostras de apoio e solidariedade.
