A Garda Civil do Posto Principal Boiro detivo a catro persoas, tres veciños de Santiago e un de Ribeira, como presuntas autoras de catro delitos de furto en empresas por valor de 50.000 euros.
Os feitos sucederon por mor das denuncias interpostas polos responsables de varias empresas xa que segundo indicaron, sufriran varios furtos nos seus negocios, os cales se sitúan nos polígonos industriais das localidades de Boiro e A Pobra do Caramiñal.
En concreto, denunciaron a subtracción de material para a fabricación de maquinaria industrial para a industria conserveira, revestimento de fachadas e tellados e armazones metálicos para o encofrado de formigón, descoñecendo a autoría dos mesmos.
A Garda Civil investigou os feitos no marco da denominada ‘Operación Máis metal’ para constatar a súa veracidade, a recuperación dos efectos subtraídos e a identificación plena do autor ou autores dos mesmos.
No transcurso da investigación os axentes pescudaron a identidade dos responsables dos feitos e lograron a localización da maior parte dos efectos subtraídos.
A Garda Civil procedeu á detención destes individuos como presuntos autores de catro delitos de furto continuado e á recuperación dos efectos localizados.
Os detidos, xunto coas actuacións realizadas e os efectos recuperados, foron postos ao dispor do Xulgado de instrución de garda de Ribeira.
