O Concello de Boiro vén de adquirir unha cadeira elevadora de emerxencias para ser empregada polos operarios do servizo municipal de Protección Civil. Os membros da agrupación de Protección Civil de Boiro recibiron esta mañá unha demostración do funcionamento da cadeira na base da propia agrupación, na que estiveron tamén presentes o tenente de alcalde, Luís Ruiz, e o concelleiro de Política Social, Raúl Treus.
Este cadeira é unha demanda do persoal da agrupación local que, cada vez con máis asiduidade, recibe chamadas para colaborar cos servicios de emerxencia en levantar a persoas caídas. A funcionalidade desta cadeira é transferir a unha posición sentada ou de pé a persoas, sobre todo de idade avanzada ou con problemas físicos, que sufriran unha caída accidental.
A cadeira levase desmontada ao lugar da caída e pode ensamblarse facilmente en moi pouco tempo, podendo ser manexada por unha soa persoa, permitindo levanta a unha persoa caída do chan en tan so uns minutos, con esforzo mínimo e sen causarlle dano.
Con esta adquisición o Concello de Boiro aposta pola mellora dos servizos en materia de emerxencias xa que a agrupación local de Protección Civil presta servizo de atención de urxencias sociais e outras emerxencias durante as 24 horas do día.
A narradora María da Pontragha achega en Boiro este sábado o seu espectáculo “Coa palabra na boca”
O local Leñaverde do Centro Social de Boiro vai dar acollida esta finde a unha narración oral de María da Pontragha: Coa palabra na boca. Será o sábado 25 de maio a partir das 19.30 horas. Trátase dunha cita cultural para maiores de 16 anos, organizada polo Concello...