O Concello de Boiro celebrou na mañá deste 3 de maio unha nova sesión da Comisión de Seguimento da Evolución da COVID-19, unha xuntanza que se celebra con periodicidade semanal e que ten o obxectivo de facer balance da situación epidemiolóxica a nivel local e determinar as vindeiras medidas de control a tomar. Segundo se confirmou, a raíz dos datos publicados polo SERGAS, o número de novos positivos e a incidencia acumulada segue estábel e o municipio mantense en nivel medio-baixo.
Tamén se fixo saber que o departamento de Servizos Sociais continúa coordinando todas as necesidades derivadas de persoas con positivo.
Asemade, fíxose o habitual balance das actividades levadas a cabo pola Policía Local, que interpuxo na última semana un total de 2 sancións por incumprir as restricións para o controla da situación epidemiolóxica. Unha delas polo uso indebido de máscara e outra por non respectar o toque de queda.
