Boiro segue en nivel baixo de restricións

O Concello de Boiro celebrou na mañá deste 10 de maio unha nova sesión da Comisión de Seguimento e Evolución da COVID-19, que se realiza de xeito semanal para coñecer o nivel da indecencia da pandemia no municipio e determinar as mediadas de prevención a desenvolver para os vindeiros días.

Na sesión reflectíronse novamente datos da Consellería de Sanidade, que informa de que o municipio continúa no nivel baixo de restricións.

Amais, fíxose saber que o departamento de Servizos Sociais segue a coordinar as necesidades derivadas das persoas con positivo por coronavirus, tales como son as necesidades de recollida de lixo ou entrega de alimentos e outros bens de primeira necesidade.

Tamén se informou de que a Policía Local realizou na última semana un total de 2 denuncias por incumprimento das restricións da COVID-19, unha delas polo uso indebido de máscara e outra polo incumprimento do toque de queda.

Dende o levantamento do estado de alarma na madrugada do sábado, non se produciron incidencias nin se tiveron que tramitar novas sancións, engadiuse.