Boiro organiza un voluntariado no río Breiro polo Día do Medio Ambiente

O Concello de Boiro vén de anunciar a posta en marcha dunha xornada de voluntariado ambiental para conmemorar o Día Mundial do Medio Ambiente. A actividade será o vindeiro sábado día 5 de xuño, a partir das 11:00 horas, no curso do río Breiro.

Esta iniciativa vai dirixida a todos aqueles interesados en participar, a través dunha visita guiada por un profesional e traballos de limpeza de plásticos, interpretación da fauna e flora e un análise da auga da zona. A xornada servirá para concienciar á veciñanza sobre a importancia de conservar os ecosistemas naturais e coidar os lugares singulares do municipio.

Así, tódalas persoas que queiran acudir ao voluntariado poderán facelo de balde, a través dunha inscrición mediante o número de teléfono do departamento municipal do Medio Ambiente: 981 84 48 00 ext.1271 ; ou vía enderezo electrónico medioambiente@boiro.org.