O Concello de Boiro celebrou na mañá deste 24 de maio unha nova sesión da Comisión de Seguimento da Evolución da COVID-19, que se realiza de xeito semanal para coñecer a incidencia da pandemia no municipio e as medidas a tomar para frear o avance do coronavirus. Segundo fixeron saber os participantes na sesión, Boiro atópase dende este sábado no nivel medio de restricións, “o que afecta ás capacidades máximas na hostalaría e tamén á hora celebrar espectáculos con público ou xuntanzas”.
Asi, o mercado semanal que se celebra todos os martes no municipio ten menos de cen portos polo que se están a instalar na súa totalidade “respectando as medidas de seguridade”, confirmaron dende a comisión, engadindo que Servizo Sociais segue a realizar a coordinación de todas as demandas derivadas da pandemia e persoas con positivo, como poden ser as necesidades de recollida de lixo por parte dos operarios de Protección Civil ou entrega de alimentos e outros bens.
Amais, na sesión fíxose balance da actividade recente da Policía Local, que tramitou nos últimos días un total de 8 sancións por incumprimento das restricións decretadas para o control da situación epidemiolóxica. 4 polo uso indebido de máscara; 2 polo incumprimento da restrición de xuntanzas de persoas non convivintes; 2 por comer ou beber na vía pública sen respectar as medidas de seguridade.
